今朝出門口熄左個雪櫃溶雪，
但就唔記得拎個passport出去......
十一點太無野做，就返左屋企拎passport，
順便清左一半冰出黎~~~~
返去無耐就同Caroline去銀行電匯去香港.......

去到發現唔記得帶個HSBC bank detail，
好彩我電腦desktop有，打返去問就擺平.......
但我問左一個問題，
個銀行職員同Caroline先恍然大悟........
我問：其實係咪唔可以未完成電匯前，
取消account...........？
結果星期六朝再去試下取消account，
唔得就會寫定授權書之後再除消......
其實，就算我取消唔到，咁又會點呢？
account都無錢囉，銀行有野收charge，
我無錢扣，甚至話我要爭佢，
但唔通佢仲有辦法追到？

Caroline搵到上次個銀行女仔，
個女仔上次應承送兩支南非小喇叭，
但今日無哂貨，就送左個銀行世界杯足球~~~
Carooline叫我拎返香港.......
即管執下野睇下有無位啦，都幾靚既~~~~

放工約左一齊去Lee屋企食飯，
出發前我去買啤酒，途經每日買野既路，
兩個人坐埋一邊，我行近時其中一個就起身行埋黎，
係咁叫Hello.....我無理到繼續行.......
回程時都行另一邊返公司.......
今日去完銀行身懷兩千幾，無謂搏........
一路行一路諗，呢兩年都算係我一生人遇過最多乞丐，
最多危險既兩年~~~~

買完KFC大桶餐就去Lee屋企開餐，
食完野逐個同我影相，但已經笑到我個面有d僵硬.......
Blonde有d唔舒服，我地八點半就走，
車左Blonde去Hout Bay先，同埋佢屋企人say goodbye，
Caroline先車我返屋企，我上到樓都十點幾~~~~~~

清理好個雪櫃，執下野已經好累...........

今日Warren online同我講，星期五將會好忙.........
唉，Last Day都唔放過我.........？

Chad知道左就係咁話點解呢兩日唔做，
要等到星期五先黎趕.......咁上面話未得就未得架啦.......
佢就話唔想weekend前仲要OT.......
我心諗你日日都唔想OT架啦，有咩分別.........？
再講，分分鐘都唔關佢事，係得我一個忙~~~~~
唔係既話，Warren就唔會淨係同我講唔同你講啦......

起身頭痛好返好多，不過未清哂.......

依舊無野做，同Chad上個freelance網搵job玩，
join左再submit個design，個客睇中就會俾錢，
Chad果個竟然一矢中的，且看會否成事？
想清楚個付錢手續係點樣.......
第日無野做上黎玩下都唔錯~~~~~

收工Caroline同Ryan請我去MaMaAfrica食飯，
叫左Springbok扒、鱷魚肉串燒同牛扒~~~
Springbok係南非既地位同中國既熊貓無異，
但一樣有得食........好奇怪.......
味道唔錯，但都係牛扒好食d~~~~
而鱷魚肉就出乎意料好味香口，亦比想象中嫩滑......

現場有live band，係傳統南非音樂~~~~
個主音好大隻，有胸肌兼手瓜，但唱出黎係女聲......
我地三個都研究左好耐都唔肯定係男定女.......
到佢轉唱男高音時先有答案......咁佢音域真係好廣~~~

食飽後八點半左右上左我度hea，我就執左好多野出黎，
俾哂佢地拎走，包括埋個電飯煲~~~~~
點睇都真係唔太多野要拎返HK......

Caroline又爆左好多公司野俾我聽，
我最有興趣都係每人既人工~~~~
原來SH裡面既人唔少都過兩萬或接近兩萬，
但部份人當我一同工作過後，都感覺值唔值呀？
至少，Caroline都係咁諗先.........
正如Arthur以前講過，Adam請人成日o徒好多錢，
但就請好多無用既人返黎..........
而亦都爆左老臣子之一既Ben，
亦都做到有點意興闌珊，咁呢個我真係就有點意外......

十點半佢地先走，我再執下野就沖涼訓覺~~~~

星期四Caroline通知我，airline又再加附加費，
20號或之前加到2千，21-28號既加到三千幾.......
而28號之後亦會更加貴，加上28號亦已經full左，
我既唯一選擇就只有20號......
公司決定只會俾正常轉日期既附加費，
所以我需要俾R910......
唔少人知道我要都俾覺得唔合理，
包括星期五食飯時Warren都話唔應該.......
但始終係我要求改期在先，
而且我亦都唔想再爭拗落去，我只想早d走~~~

星期五食飯時Warren講左都會同我一樣，
呢個月後完全唔再受薪做consultant，
之後再做都只會逐job計，主要因為對公司失望.....
始終同非designer既同事合作不愉快，尤其Steve.....
唔愉快我就意料之內，不過佢此舉就有少少意料之外~~~

星期六中午返左公司開門俾Warren，
之後同佢去左附近一個臨時fresh market，
坐低飲杯啡食件cake，佢都呻左唔少公司野，
譬如Muscat兩星期發生咩事.........
我亦都講左個重點~~~~~~
呢個係inhouse design經常出現既問題，
Business man好難會了解Designer，相反亦然......

飲完茶返到去，Ilse送左佢屋企出面海灘既貝殼，
最大果個好似我兩個拳頭拍埋咁大........
佢仲煮左個雞蓉咖喱湯俾我......係.....係咖喱湯......
夜晚翻熱飲時，有d似飲咖喱汁感覺，
不過味道唔差~~~~
由於最後一堂，今日Ilse節奏係前所未有的快，
亦話日後會寄份Cerificate俾我，雖然唔會有咩作用，
但都好多謝佢，當初總算無揀錯佢~~~~~

Caroline呢個weekend同屋企人出外，
所以我呢個 last weekend都係好平靜係屋度過，
Caroline都好唔開心陪唔到我出去玩，
但改去20號呢個決定都算太突然，無辦法.......

上星期五臨走前問Omar係咪可以下星期早d出糧？
佢好似完全唔知兼話promise唔到......
所以我今日返工就同Caroline講返，佢代我再追問，
中午左右，Murray覆返佢，唔可以提早俾我，
亦都只會月尾出，我份糧就會入Murray account，
之後再轉入我HK account，所以就要我account資料.....
咁樣我都ok既，總好過最後一日要我拎cash返HK~~~~

Warren返黎一陣同我地入左boardroom開會，
都係講返之後點做，Chad之後既角色問題，
而Warren想我在香港時，都接由佢批出既3D freelance，
錢就由佢直接俾我，但佢要解決點樣過數既問題，
呢個我都可以考慮接受，
可以幫補下我未有正式工作前既暫時收入，
最大問題係我d時間點安排.......

今日無乜野做，但就好頭痛......
原本想今晚開始執下野，
但夜晚九點幾痛到要攤低抖抖，
十一點半醒左感覺好d，就去沖個熱水涼淋頭，
依家打埋日記，o拍多粒藥就去訓~~~~~~~~~

尋晚既手尾，要做到Lunch後先做哂.......
跟住要跟埋Remi既mockup，因為Chad又無返.....

Caroline爆左我聽，佢一話因為佢女友我都估到九成，
搞大左女友，今日去左落仔.......
上星期五請假話唔講得原因都係呢單.......

Arthur有張 Red Cross既相要執，
係公司做左陣先走.......
返屋企整左陣，食完飯，頂唔順落床攤攤就訓著左.....

三點半扎醒左，
罕有地發左一個好清楚，唔恐怖但有熟人過身既夢，
而且個情況係等多日都等唔到......可說含恨而終~~~~
咁樣，都應該歸類為惡夢既......

呢個夢應該有得解既，
應該係反映我再唔book機票就真係full哂既擔心........
呢兩日再唔覆我就唔理自己俾左先......
班老細一忙就下面發生咩事都唔理.........

Warren由Muscat返左黎，
但lunch後兩點半突然話有野聽朝要......
成套family，兼要六種色..........
原本要出去影相都要押後~~~~~
早少少拎出黎都好啦.......上畫都無野做..........

部份model已有稿，但都有三分一要新做......
仲要四點零又再停電........
全公司都無電，但好奇怪地唯獨Chad果邊仲有電，
佢就當然走都走唔切啦，我就用拉佢果邊電繼續做，
但server down左.........簡直雪上加霜.......
Warren出完去返黎，就話要走人......
又係一個人孤軍作戰........

要我今晚搞好哂先，
但又叫我唔好咁夜，可以既話帶返去做........
我都話過部laptop行唔掂架啦.........
最後叫我做唔哂就聽朝先做........
聽完呢句我不禁O左咀........

本身今日精神都唔太好，有幾下真係做到恰著左......
好彩近期儲緊file，server down左都仲有部份backup，
做到七點半總算做齊一套，但天色已經半黑.......
都係走罷啦，無謂take risk去為一個未必咁urgent既 job......
聽朝返黎先再轉色...........

計最多都只有廿日唔夠，但度氣已經洩左唔少..........

今日好有Honey moon feel~~~~
全日都係呆坐無野做.............

天氣太熱，全公司都開冷氣，
可能全幢都開冷氣，結果停左幾次電....
所有人都做唔到野，大部份人四點前就收工，
我想坐多陣，但四點半又話要大停電維修，
全部人要撤離，唯有返屋企焗桑拿..........

今日都算好d，偶而都有d風，
入夜後仲有少少清涼，
不過就沖唔到熱水涼，個紅頸圈仲好痛..........

機票問題未有答案，我都預左要俾先，
最怕再遲俾錢都book唔到就輪盡..........

呢幾日都熱到爆........
尤其今日星期日，中午同Caroline兩公婆，
去左Flea Market，大約行左兩個鐘........
全部人都曬傷哂，
但出門口前所有人都已經搽左太陽油........
我無咩收穫，反而Caroline買左唔少野~~~~

之後周圍搵野食......去到一間餐廳，
因為改左無酒供應，
我地索性返Long Street酒吧食野~~~~~~

一間無冷氣既酒吧.......三個人爆住水食野.......
埋單上車時，前面有兩個黑人在追逐......
後者不停爆粗，聽到大約係因為偷左電話........
之後還聽到玻璃爆裂聲......我地無再理就上車走.....

返到屋，沖個冷水涼都於事無補.........
齋坐都不停爆水........
冰水都俾我飲哂，未有冰水，凍鮮奶都飲住先...........
圍住頸已有一個紅頸圈，晏晚已開始痛........

入夜後窗外所見既範圍都不停閃電...........
原來有風暴附近，所以先熱得咁厲害~~~~~
成晚係咁閃，大部分都離得好遠好遠，
但亦有一次閃到埋黎，跟住就落左一分鐘大雨......
搞到我今晚訓時開窗又唔係，唔開窗又唔係..........

星期五朝MSN重遇Cloud，即刻問返佢個電話先~~~~~
收工後同佢傾左陣電話，之後還擔心從此失去聯絡
最近她辭了工，所以有時間上網~~~
她說有計劃去美國一趟，亦會在香港轉機，
到其時可能考慮會在香港留一兩天~~~~~
希望到時可以見面啦~~~~~~

經過星期二長征至十點，暫時都較清閒~~~

尋日地產打黎，話有人上黎睇睇間屋，
收工後六點就準時到，
係一個四五十歲既女人，
一入屋就周圍check有咩係用得同存在......
一問之下原來將會四月一日搬入黎既新住客~~~
咁快就有人接手......
而我將要離開既事實亦都愈黎愈真實~~~~~

今日Chad又發癲......佢請聽日放假Warren唔批.....
而佢請假原因係：唔講得......
呢期咁多突發野，Warren當然唔想佢放啦........
之後就係咁同我呻，話唔尊重佢，
講講下仲講到佢想去Egypt，去瞭解清楚後，
之前既工作誤會就唔會出現，但佢一出email，
Adam一路都無啋佢.......跟住鬧個個都唔係公司，
一個去踩單車，一個就上電視上電台，
其他人就去哂外地.....得佢同我留係度.........
我問佢其實係咪覺得唔公平？
佢話都係，但重要係我地跟得個Project，
就要去當地考察，知道要做d咩............
我話呢個係Position同Costing問題，
我係Adam我都唔會俾你去.........
真係講到我火都起咁劑.........

之前佢因為無passport所以去唔到Dubai，
佢就即刻做passport，但之後Dubai已經有designer進駐.......
又成日同我講咁大個人都未離開過南非，
好想試下搭飛機..........

其後我同Caroline討論返，大家結論都係一致........
佢搞咁多野，由頭到尾佢都只係想免費遊埠.......

食飯時佢話我唔做時佢都可能唔做，
因為全公司都唔respect佢......
我問人地要點做你先覺得人respect你？佢又答我唔到.......
我就話我完全唔覺佢地唔respect你囉...........

之後佢用政府某個29歲貪官用40萬開生日party做例子，
人地29歲都咁多錢，就話我唔應該再話佢22歲太後生.......
但我重申話佢後生，意思唔係年紀，而係心智.........
單就用個29歲既貪官黎做引子就可見一班.............

食完飯返到去，Warren就批左佢聽日放假.......
Chad當堂順哂咩事都無.........
上晝蟹口蟹面，下晝就笑四萬咁口唱哂歌.........
我問Caroline知唔知佢請假原因？
佢話唔知，但九成又有Party.........所以先話唔講得..........
咁我睇見佢咁既開心法，都唔覺佢係做咩正經野........

慣性遲大到，周末前後請病假兼無假紙，兼且只得22歲，
形象咁差，叫人點可以委以重任呢........？

佢無咩得罪我，係我頂佢唔順呢亭人姐.........
俾我真係炒左佢九世~~~~~~~~~

Lunch 又同Chad去左食咖喱......途中撞到Ann，
聽日佢就同Murray返Belgium，
專程過黎同我地say goodbye~~~~~

三十幾度無冷氣食咖喱.........
呢間野d咖喱又夠哂辣，
我一邊食，一邊好似洗頭咁.......
食到成頭濕哂.........

全日就同Google World搏鬥.........
到三點幾先知一個可以固定視點既方法，
但係，已經太遲.........

Warren係Muscat話聽日我地全日standby，
但Adam同Steve既Google World尚未完成，
並且星期三就要用.........Muscat & Egypt又一齊黎......
聽日唔知又會點死........

收工前都循例問問Chad今日會唔會OT，
當然得到一個好循例既答案.......

五點後一邊幫Caroline燒Murray要既data碟，
一邊就做得幾多得幾多.........做到六點走人........

臨走前同Murray傾兩句揸個扒，主要係想say thank you，
返HK前，今日應該最後見佢囉~~~~

原來今日已經係三月........

係近排稍高既工作壓力下，
咩都小題大做既Chad又發作........
繼星期四話要同老細們講呢排既工作混亂情況後，
星期五又同我講今日要同Murray開會，
首先係想講，Adam老婆公司D job，
點解要免費幫佢地做........
我話老細老婆點解仲要俾錢做呢..........？
之後佢就話佢份contract裡面只係由SH發出，
但依家就做埋TO既野........而SH同TO都係Adam既
呢個情況基本上由佢返工第一日已經開始，
而我亦都一樣~~~~但其實SH只係部份時間有野做，
我地主力做TO既野......係近排兩邊都忙，佢先突然覺得好蝕........
但我就強烈建議唔好擺上檯講........
而最後佢總算有個問題似返d樣，就係佢自上年六月之後，
份contract就無再續過........咁樣會變得好無保障.......
唉......我亦都講，你工作咁多問題又日日遲大到......
佢地唔續都可以理解既，我記得話想炒佢都聽過唔止一次啦........
但最後，因為佢好似太忙而搵唔到Murray.........

之前Caroline都問過我，呢排係咪好大工作壓力？
又成日因為上面唔清唔楚，浪費好多時間........
我話相比香港，呢d算得d咩？
況且由8:30-5:00呢段時間，係公司出錢買我時間，
所以工作時間內做咩都好，都要做架啦，
如果日日因為咁而搞到OT就話要傾下姐.......
所以我覺得咩都擺哂上檯就一定出事......
不過Chad覺得自己arm，我就無謂多再講，
反而幾想知佢開完會後，結果會點添........

話時話雖然我已經踏入蜜月期，但仲忙過之前.......
星期四八點走，星期五九點走....
Warren同Murray都叫我收工call 的士走.........
但我始終都無，等得黎我都行到返去........
而且，我個心有少少想有事發生添.....
呢排太納悶，想發洩下...........

返到去先記得拎哂床單去洗........咁夜收哂鋪.......
但十一點幾我係梳化唔覺意一覺訓到第二朝..........

星期日八點已經俾個sms嘈醒，叫我十點online有野做.........
十點聽過做咩後，太多野就返左公司做.........
行到落街個太陽超猛......烈日當空行15分鐘都爆哂水.........
公司裡面，一邊做一邊痴立立........
行出公司門口就好似火爐咁........完全無風..........
最後做到八點前先走.........

返到屋企發現尋晚煲粥變酸左...........
今日太熱啦，平時攤成日都無事.........
食個一丁麵就算~~~~~~

真係好熱，成晚唔郁都係咁標汗........

萍姐問我有無工介紹，原來佢返左香港半年都未有正職.......
而且仲係尋日同男友散左......詳情無問啦，即管幫佢留意下啦
再唔係仲有大嫂可能幫到手，不過要返左香港先~~~~~~